Başy » Sözbaşy » 99-njy süre: «Zilzäl» («Ýertitreme»)
«Zilzäl» süresi Medinede inen sürelerden bolup, ol 8 aýatdan ybaratdyr. Süre adyny ilkinji aýatda agzalan we «Ýertitreme» manysyny aňladýan «Zilzäl» sözünden alandyr. Bu sürede kyýamatyň öňýanynda boljak güýçli ýertitremesi, soň hem ähli ölüleriň mazarlaryndan çykyp berjek hasaby barada aýdylýar.
Rahman (Mähriban) we Rahym (Rehim- şepagatly) Allanyň ady bilen
1. Ýer güýçli titrän wagty!
2. (Ýer öz aşagyndaky) ähli ýüklerini (çogduryp daşyna) çykaran wagty!
3. Ynsan öz-özüne «Näme bolýarka?» diýen wagty!
4. Ine, şol gün, ýer (üstünde bolup geçen ähli zatlary) habar berer.
5. Sebäbi Perwerdigäri oňa bulary wahyý eder.
6. Ine, şol gün ynsanlar eden işlerini görmek üçin (mazarlaryndan çykyp) bölek-bölek (bolup gelerler).
7. Kim zerre mukdarynda haýyr eden bolsa, onuň (peýdasyny) görer.
8. Kim hem zerre mukdarynda şer (günä) iş eden bolsa, onuň (zyýanyny) görer.