Başy » Sözbaşy » 106-njy süre: «Kuraýş» («Kuraýşlylar»)
«Kuraýş» süresi Mekgede inen sürelerden bolup, ol 4 aýatdan ybaratdyr. Süräniň ady ilkinji aýatda kuraýş taýpasynyň ady agzalýandygy üçin bu sözden alnandyr. Bu sürede kuraýşlylaryň Käbä eýe çykyp, ony gorandyklary üçin berlen zatlar barada gürrüň gozgalýar.
Rahman (Mähriban) we Rahym (Rehim- şepagatly) Allanyň ady bilen
1, 2, 3, 4. Kuraýşlylar özleriniň ülpet bolup jebisleşendikleri, özlerine gyşda we tomusda sapar etmegiň aňsat edilip goýlandygy, özlerini açlykdan doýrandygy we gorky-howpdan asuda edendigi üçin bu öýüň (Käbäniň) Perwerdigärine ybadat etsinler!