Başy » Sözbaşy » 107-nji süre: «Mägun» («Ýardam bermek»)
«Mägun» süresi Mekgede inen sürelerden bolup, ol 7 aýatdan ybaratdyr. Süräniň ady «Ýardam bermek» manysynda bolan we iň soňky aýatda agzalýan «Mägun» sözünden alnandyr. Bu sürede iman getirmegiň, jemgyýetde daýanyşmagyň we ýardamlaşmagyň ähmiýeti we zerurlygy barada aýdylýar.
Rahman (Mähriban) we Rahym (Rehim- şepagatly) Allanyň ady bilen
1. Sen dini (kyýamaty) inkär edýäni gördüňmi?
2. Ol ýetimi kowup goýberýän (adamdyr).
3. Ol garyba (misgine) tagam bermegi halamaz.
4, 5. Okan namazlaryndan özleri gapyl bolanlaryň (namazy wagtynda okamaýanlaryň) waý hallaryna!
6, 7. Olar (edýän işlerini) göz üçin edip, haýyr işlere hem päsgel bolýanlardyr.