Başy » Sözbaşy » 114-nji süre: «Näs» («Ynsanlar»)
«Näs» süresi Mekgede inen sürelerden bolup, ol 6 aýatdan ybaratdyr. Süräniň ady her aýatyň soňunda gaýtalanýan we ynsanlar diýmek bolan «Näs» sözünden alnandyr. Bu süre «Felak» süresiniň dowamy hökmünde bolup, onda Beýik Alladan gorag-pena islenilýär. Bu soňky iki sürä «Muawwizeteýn» («Pena islenilýän iki süre») diýilýär.
Rahman (Mähriban) we Rahym (Rehim- şepagatly) Allanyň ady bilen
1, 2, 3, 4, 5, 6. Aýt (eý, Muhammet!): «Men ynsanlaryň Perwerdigärine, ynsanlaryň Hökümdaryna, ynsanlaryň Hudaýyna sygnyp, (gaflatda wagty) ynsanlaryň gursaklaryna (ýüreklerine) was-wasy salýan, (Allany ýatlaýan wagty bolsa gaçýan) ynsanlardan we jynlardan bolan şeýtanyň şerinden pena isleýärin!».